IPMA bilan hamkorlik
Loyiha va biznes boshqaruvi assotsiatsiyasi IPMA (International Project Management Association) bilan hamkorlikda O‘zbekistonda loyiha boshqaruvi kasbini rivojlantirish va xalqaro professional standartlarni keng joriy etishga xizmat qiladi.
IPMA bilan hamkorlik doirasida loyiha boshqaruvi sohasidagi xalqaro tajriba va ilg‘or amaliyotlarni O‘zbekiston sharoitiga moslashtirish, mutaxassislarning professional kompetensiyalarini rivojlantirish hamda ularning xalqaro darajada tan olinishiga ko‘maklashish asosiy yo‘nalishlardan biridir.
Hamkorlik orqali IPMA 4-L-C xalqaro sertifikatlash tizimi asosida loyiha, dastur va portfel boshqaruvi mutaxassislarining kompetensiyalarini baholash va rivojlantirish uchun imkoniyatlar yaratiladi. Bu jarayon mutaxassislarning bilim va tajribasini xalqaro mezonlar asosida tasdiqlash hamda ularning professional rivojlanish yo‘lini aniq belgilashga xizmat qiladi.
Shuningdek, Assotsiatsiya IPMA’ning xalqaro professional hamjamiyati bilan aloqalarni rivojlantirish, xalqaro ekspertlar va mutaxassislar ishtirokidagi tadbirlarni tashkil etish, bilim va tajriba almashish hamda O‘zbekistondagi loyiha boshqaruvi amaliyotini xalqaro tajriba bilan uyg‘unlashtirishga intiladi.
Hamkorlikning asosiy yo‘nalishlari
- Xalqaro standartlar — IPMA standartlari va kompetensiyaga asoslangan yondashuvlarni O‘zbekistonda rivojlantirish.
- Sertifikatlash — IPMA 4-L-C tizimi orqali mutaxassislarning professional kompetensiyalarini xalqaro darajada baholash va tan olish.
- Professional rivojlanish — loyiha menejerlari va mutaxassislar uchun zamonaviy ta’lim va rivojlanish imkoniyatlarini kengaytirish.
- Xalqaro hamjamiyat — O‘zbekiston mutaxassislarini IPMA xalqaro professional tarmog‘i bilan bog‘lash.
- Tajriba almashish — xalqaro ekspertlar, tashkilotlar va professional hamjamiyatlar bilan hamkorlikni rivojlantirish.
- Soha rivoji — O‘zbekistonda loyiha boshqaruvi madaniyati va professional kasb sifatida loyiha menejerligi nufuzini oshirish.
